5年既JA生活, 得到了一個長期服務既獎牌, 但都不及我這5年得到既回憶, 感情與友情. 每年8個月既共同進退, 一起走過既甜酸苦辣, 都一一的深印在心.

在最近幾年, 我一直都記住大女Candy Lee既一句說話, "不要在乎獎項名次, 那過程才是最重要." 但自從Steam Ahead以後, 我同學生就好像都與獎項無緣. 可能好多人都不會同意, 但為什麼我就不能帶領著她們, 讓她們得到應有既回報.為什麼我的失誤要由她們來承擔? 由3年前既喜極而泣到今年既切膚之痛, 我不能說我不難過, 不自責, 你們既原諒反而令我的心更痛, 更感到負了你們對我的信任. 或許這就是所謂一個感性的人的思維吧! 

特別今年我跑到了一間新的學校, 一間全世界都話好勁既學校, 其實我教到既不多, 你們得到既都是你們自己爭取回來的, 你們全都比我聰明, 有智慧, 更比我有一顆更堅強既信心, 我相信你們真的每人都可以獨當一面. 而我既所謂付出, 不就是花多一點時間看著你們, 陪著你們. 我自問我又幫到過什麼?  在得到你們既認同時, 我不能不說我真的有點慚愧.

今天晚上, Stead Ahead既一個學生把我們曾經一起走過的相片再放到FB上, 所有既回憶, 感情一下子又湧到心裡來, 跟住不其然又想起We want to show the world既片段, 眼睛又濕了….捨不得每一位學生, 捨不得你們每一位給予過我的一切, 雖然我未必想得起你的名字, 但我一定會想起你們的臉, 你們每一位都讓我的人生更豐盛更有意義. 謝謝你們.

不經不覺, 2010年就這樣來到.

回看2009, 百感交集, 是成長的一年, 亦是多變的一年.

公事上, 我開心我有一班精英隊員, 從銷售成績到知識到人品到團體精神, 我為你們而感到自豪, 亦都要再三感謝你們無私的奉獻, 對我的幫忙. 讓我們在2010再創高峰.

我也要感謝SRC的一班好兄弟姊妹, 沒有你們的勞心勞力, 我們辦不了這麼多出色的活動.  希望annual dinner 我們都能令人眼前一亮.

沒想到自己今年居然參與了這樣多的義工服務, 更讓我見識不少, 大開了我的眼界, 至少冇錢換車都坐過最新型號的Benz, 開心又興奮.  唔知會唔會double去年既成績呢....好期待

身體上, 今年慶幸仲未大病一場, 希望已經大步濫過啦, 不過小毛病仍然不少, 頭痛既情況依然全無改善, 仲好似一年衰過一年, 希望身邊所有既朋友都身體健康, 精精神神.

但上司既變動, 法制既變動, 營運既變動, 使得自己同身邊很多人都患得患失, 心情亦跌至新低點. 很想很有希望, 仍然對前景有期望, 但希望真係唔好咁多變同比條生路來行下...

離開了HOLY到了DGS, 新環境新學生新一代, 遺憾未能帶來獎項, 但開心能認識一班新的學生, 新既成長體驗, 讓我從中又學習多了, 更開心既係大家聚在一起, 談天說笑, 永遠都記住19號同26號. 感動的2天.

還有11個月零10天就到自己結婚, 好像仍然不真實, 好像好多事情都未準備好, 日子越近自己越擔心. 2010將會有很多好朋友結婚, 都祝你們甜蜜幸福, 永結同心, 要幫手既記得出聲呀.

2009都冇如何真正的影過相, 好像忘記了一樣, 仲要有成千張相未處理.....希望可以2010第一季前完成啦, 真係要努力一下先.

當自己髮線上升, 體重上升, 血壓上升但財富唔升既時候, 望望自己身邊既朋友, 有疏遠了的, 有重回的, 有新認識的, 有重新認識的, 當中有開心的, 傷心的, 無奈的, 當一切一切都在身邊流過時, 感謝你們都令我既人生更增添色彩.

其實都唔知自己寫緊乜.....難忘既2009, 但知道將會有更難忘既2010....大家共勉之.

2009年12月19日, 第5次參與JA TRADE FAIR

DGS, 一班很聰明的女學生在一個貌似初中生既行政總裁帶領下

創造出一本異常美麗與優美的日記誌

除了那個STEAM AHEAD蒸籠鍾外, 這是我最喜愛的一份產品

可能同我喜歡攝影有關, 亦都是我對香港既一份情懷

但看著自己今年的學生與獎項的距離越來越遠

只能說我們的運氣不夠, 輸在那些沒品味的人的手中

可能年紀大了, 再沒有那不安的自責及憤怒, 反而有點兒開心

因為今天, 我終於都能看見你們的成長與一份團隊精神

你們沒有輸, 相反, 你們得到了一份最可貴的友誼與體驗

比賽又或是這個PROGRAM只走到了一半

希望在餘下既時間與比賽, 我們仍然能發揮最大最好既團隊精神

3...2...SNAP! 共勉之

To Amour Chaud: 已經到了大學生活的第2年, 請仍然努力與享受, 大學生活是你們一生最寶貴的日子之一. 今年將有你們的Trinitians來到你們當中, 記得好好照顧她們呀.

To Steam Ahead: 今年是你們入大學的第一年, 新的環境, 新的開始, 也是你們從新學習與別人相處的機會, 請好好珍惜, 也別要太勞累, 記得作息定時, 別只掛住識男仔同拍拖呀.

To iSmile: 你們是我唯一看過中5畢業的學生, 好期待你們中7的畢業典禮, 記得一定要請我去呀....唔係我嬲架....哈哈, 比D心機, 我相信無論乜野困難都唔會再難到你地, 希望你地個個都考到好成績, 記住比心機讀書, 考完試我地又再gathering.

當你們到過我facebook, 可能都會有好大既疑問, 點解咁突然既? 咁幾時先係好日子呢?

好日子係明年既年尾, 咁早驚動左大家, 唔好意思.

不過我真係好開心, 所以引唔住要早D同你地分享.

多謝你地既關心同祝福. 我都祝福你地, 個個都讀書順利, 身體健康.

祝願所有Steam Ahead既同學, 都入到自己心儀既大學

6月4日畢業典禮, 慶幸自己係坐上客

見到你們一個一個的上台, 往事又再一幕一幕的飄來

彷彿就像昨天

而明年就到iSmile, 唯一一班學生讓我見証了你們2次的畢業

期待再跟你們見面聚會, 林生既bbq party應該要準備一下

主席真的不易做.........

The way back into Love